RESUMO:
“Fóra do Normal” conta a heróica historia de André, un rapaz trans que día a día loita contra os problemas e as diferenzas que a sociedade impón sobre persoas coma el, que supostamente están “fóra do normal”, un adolescente que vive a súa identidade como un feito problemático.
Durante un tempo André tentou esconder a súa identidade “para que o mundo fose perfecto, todo funcionase e cadaquén vivise a súa vida como sempre fora”.
Máis adiante decidiu aceptar a persoa que el era e decidiu mostralo ao mundo, a todas as persoas da súa contorna. Claro que a estreiteza de miras segue a ser un problema na sociedade actual por incrible que pareza pois, nin docentes ou amizades foron quen de entender, apoiar e acompañar a André, o único do que foron capaces foi de etiquetalo como becho raro. Basta con dicir que, ata o seu pai deixou de consideralo “a súa filla” despois de que todo saíra á luz.
A comezos deste curso aparece Mucha, a revolución das Anzas, chega a Teis e con ela novas esperanzas de ser totalmente libre para André.
O popular Martín, aquel que mallaba nel día si e día tamén, acabará pasándose ao outro bando. E coa fermosa Xela que cambiará toda a súa vida, despois de que a venda caera dos seus ollos grazas a axuda de André e Mucha, forman a patrulla trans.
VALORACIÓN PERSOAL:
Se tivera que escoller unha palabra para describir este libro, diría liberador.
Gustoume moito esta novela, sen considerar este un dos meus libros favoritos, pareceume unha historia moi interesante e reveladora. Considero importantes e esenciais todos os valores que esta obra pretende difundir. Valores como a aceptación social en todos os ámbitos, o deber de eliminar prexuízos/estereotipos das nosas mentes (como tan ben nos ensinaron Mucha e André), o dereito ás segundas e terceiras oportunidades cando sabes que valerán a pena (como no caso de Martín e André), a importancia de seguir o que di o noso corazón (a lección que Xela acabou aprendendo)…
Caracterizo como admirable a valentía que todos os personaxes principais acaban mostrando: a fortaleza de Mucha ante todo o que ocorreu na súa vida antes de chegar a Teis, a coraxe de Martín para enfrontarse a seu pai e tamén de intentar cambiar a súa mentalidade, a liberación de Xela ao deixar de finxir e mostrar quen era realmente, a valentía da nai de André ao deixar o seu home despois de todo o que fixo a André, e quedar soa facéndose cargo do seu fillo por amor e por suposto, a valorosidade de André en todo a historia e tamén ao intentar reunir o grupo que conseguira que deixara de sentirse só.
PERSONAXES:
·ANDRÉ.
É o protagonista da historia, un adolescente transexual, que lidia contra os estereotipos, o conflito de ser quen é e a batalla constante de intentar a súa aceptación e a de todos os demais coma el na sociedade. A súa gran afección son os cómics antigos de superheroes, algo que herdou do seu pai, aínda que pouco a pouco vaille dando a volta a moitas desas historia e descubrindo os seus verdadeiros significados, así como, decatándose de que tamén hai superheroes na realidade sen capa nin leotardos.
-MUCHA.
Dende comezos deste novo curso, André e Mucha convertéronse en moi bos amigos, despois de que ela demostrara o seu total apoio cara André. Mucha é unha rapaza con moito carácter e por dicilo de algunha maneira, non moi fina. Posúe unha personalidade arrolladora, feminista, xusta e igualitaria. Mostra o seu orgullo e o valor do rural.
En palabras de André, ten un aspecto salvaxe, á defensiva. O seu pelo semellaba non ter visto un peite dende había anos, e as súas dimensións cuadriplicaban ás do protagonista. Carga cun difícil e escuro pasado, do que aínda sendo imposíbel non gardar malos recordos, afronta con valentía e forza.
·MARTÍN.
Martín é un dos compañeiros de clase de André, ao comezo da historia móstrase como un abusador en toda regra, rico e popular. Un dos maiores inimigos de André, aínda que non tardamos en descubrir as súas debilidades ao igual que todos os seus “amigos” que, a causa delas deciden abandonalo. Empeza a achegarse a Mucha e André, e pouco a pouco, aínda que con moitos erros tenta cambiar a súa mentalidade.
·XELA.
Nun primeiro momento, Xela comeza sendo a fermosa rapaza coa que todos queren saír, André incluído. Esbelta, amábel, coidadosa, segura de si mesma, “guai”, popular… todo o que calquera podería desexar.
André e Xela empezan a saír aínda que isto provoca o afastamento con Mucha e Martín. Despois dun tempo, as afeccións de Xela por todo o relacionado coa beleza ou as súplicas por ir á praia, comezan a fartar a André e, como escusa dun novo traballo acaban separándose.
Xela, comete un grave erro ao intentar cambiar a Mucha en todos os sentidos, sen decatarse de que a que precisa cambiar é ela.
Despois dunhas duras e certas palabras de Mucha, decátase de todas as mentiras que había na súa vida e, decide empezar a deixarse ver como ela é, deixar de esperar o aprobamento da xente.
·NAI.
A nai do protagonista é un bo exemplo a seguir para calquera muller forte. Mostra a súa valentía coa situación co seu exmarido e todo o amor materno e apoio cara o seu fillo nos peores momentos. Traballa nun hospital.
·PAI.
O pai de André é un transmófobo que rexeita incluso ao seu fillo por ser quen é. A causa dos insultos dirixidos cara o protagonista e toda a dor que provoca nel, a súa nai pídelle o divorcio e tamén que se alonxe do seu fillo, á que el chama “filla”.